Ajiboy qoʻltigʻi
Ajiboy qoʻltigʻi – Orol dengizining janubi-gʻarbidagi qoʻltiq. Maydoni 1000 km², uzunligi 41 km, eni 30 km, eng chuqur joyi 9,2 m boʻlgan. Orol dengizi sathining 8 metrga pasayishi tufayli 1981-yil qoʻltiq quridi. Ajiboy qoʻltigʻi tubi qirgʻoqqa yaqin (10-15 km masofagacha) yalang eol qum shakllari (barxan, doʻng va hokazo), undan shimoliy esa qoldiq, taqir va faol shoʻrxoklar bilan qoplangan. Qumliklarda qora saksovul, cherkez, qandim, shoʻra, shoʻrxaklarda sarisazan, yulgʻun, qorabaroq oʻsadi. Sudochye koʻlidan boshlangan yer osti suvlarining oqimi mavjudligidan grunt suvlari sathi yer yuzasiga yaqin joylashganligi uchun Ajiboy qoʻltigʻida galofit oʻsimliklari keng tarqalgan[1].
Manbalar
- ↑ „Ajiboy qoʻltigʻi“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 1-jild (A — Beshbaliq). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000 — 736-bet.
Adabiyotlar
- OʻzME. Birinchi jild. Toshkent, 2000-yil
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Oʻzbekiston geografiyasi haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |