Adela Milčinović
| Adela Milčinović | |
|---|---|
| Tavalludi |
Adela Kamenić 14-yanvar 1878-yil |
| Vafoti |
18-iyul 1968-yil (90 yoshda) New York City, AQSH |
| Kasbi | Yozuvchi, jurnalist, kritik, va feminist |
| Fuqaroligi | Xorvat |
Adela Milčinović (xorvatcha talaffuz: [ǎdela milt͡ʃǐːnovit͡ɕ]; 14-yanvar 1878 — 18-iyul 1968)[1] xorvat feminist yozuvchi, dramaturg, jurnalist va saylov huquqi uchun kurashchi boʻlgan.
Hayoti
Adela Milčinović 14-yanvar 1878-yilda onasi Ludmillaning nikohdan tashqari tugʻilgan qizi sifatida, Avstriya-Vengriya imperiyasidagi (hozirgi Xorvatiya) Xorvatiya-Slaveniya qirolligi Sisak shahrida tugʻilgan. U 1896-yilda Zagrebdagi Mehribonlik opa-singillari monastirida oʻqituvchilik malakasini olgan[1][manba kerak]. Shundan soʻng, u Gamburg va Leipzigda sanʼat tarixi boʻyicha tahsil oldi[1].
1899-yilda[manba kerak] u Zagreb universitetida oʻqiyotgan va oʻqituvchi boʻlgan Andrija Milčinovićga turmushga chiqqan[2]. Shundan keyin, er-xotin Andrija Milčinović oʻqituvchi sifatida ishlagan Zdentsiga koʻchib oʻtishdi. 1902–1904-yillar orasida ular Germaniyada yashashdi, soʻng 1904-yilda Zagrebga qaytishdi, bu yerda uning eri oʻqishini tugatdi va Sanʼat va hunarmandchilik muzeyi xodimi boʻldi[manba kerak]. Ularning ikki qizi boʻlgan va ular taxminan 1915-yilda ajrashishgan[manba kerak]. Milčinović Birinchi jahon urushi davrini ishgʻol gazetasida — Belgrad yangiliklarida (olmoncha: Belgrader Nachrichten , serb-xorvatcha Beogradske Novine) ishlash bilan oʻtkazdi.
U 1918-yilda Zagrebga qaytib, Serb, xorvat va slovenlar qirolligi Milliy ayollar ittifoqida (serb-xorvatcha Narodno vijeće Države Slovenaca, Hrvata i Srba) kotiba boʻlib ishlaydi[3]. 1930-yillarda u Nyu-York shahriga koʻchib oʻtadi va 1968-yilda vafotigacha u yerda yashadi[4].
Faoliyati
Adela Milčinović Uy oʻchogʻi (xorvatcha: Domaće ognjište) jurnaliga maktub yozgan, unda „u yaxshi ifodalangan feministik tanqidni bayon etib, ayollarning jamoat hayotidan chetlashtirilishini qoralagan va yangi estetika haqidagi oʻz qarashlarini bayon qilgan“[5]. 1903-yilda Germaniyada yashab turgan paytda, Milčinovićlar birgalikda Toʻgʻon ostida (xorvatcha: Pod branom) nomli hikoyalar toʻplamini nashr etishadi va Adela Zagrebdagi Millat (xorvatcha: Narodne novine) gazetasi uchun ham maqolalar yozadi[5].
Tanlangan asarlari
- Toʻgʻon ostida (xorvatcha: Pod branom, 1903; hammuallif — Andrija Milčinović)[1][2].
- Jonni (xorvatcha: Ivka, 1905)
- Dragoyla Yarnevich (1907)
- Baxtsiz (xorvatcha: Bez sreće, 1912)
- Soyadagilar (xorvatcha: Sjena, 1919)
- Xonim doktor (xorvatcha: Gospođa doktorica, 1921)
Manbalar
- ↑ 1,0 1,1 1,2 1,3 "Milčinović, Adela" (Croatian). Hrvatska enciklopedija, mrežno izdanje. Leksikografski zavod Miroslav Krleža. 2021. https://www.enciklopedija.hr/clanak/milcinovic-adela.<!--->
- ↑ 2,0 2,1 "Milčinović, Andrija" (Croatian). Hrvatska enciklopedija, mrežno izdanje. Leksikografski zavod Miroslav Krleža. 2021. https://www.enciklopedija.hr/clanak/milcinovic-andrija.<!--->
- ↑ Jakobović-Fribec, pp. 340–42
- ↑ Jakobović-Fribec, pp. 340–42
- ↑ 5,0 5,1 Jakobović-Fribec, p. 340
Adabiyotlar
- Jakobović-Fribec, Slavica „Adela Milčinović“, . Biographical Dictionary of Women's Movements and Feminisms in Central, Eastern, and South Eastern Europe: 19th and 20th Centuries. New York: Central European University Press, 2005. ISBN 978-963-7326-39-4.
- Bogner Šaban, Antonija (April 2006). "Adela Milčinović: Uspjeh gospodina Crownenshielda" (hr) (PDF). Dani Hvarskoga kazališta (Split: Croatian Academy of Sciences and Arts and Književni krug Split) 32 (1): 281–296. https://hrcak.srce.hr/73055. Qaraldi: 8 November 2017.