Abvo gʻazoti
| Abvo gʻazoti | |||||||
|---|---|---|---|---|---|---|---|
| |||||||
| Raqiblar | |||||||
| Madinalik musulmonlar | Makkaning Quraysh qabilasi | ||||||
| Qoʻmondonlar | |||||||
| Muhammad Hamza ibn Abdulmuttalib Abu Ubayda ibn Jarroh |
Abu Sufyon ibn Harb | ||||||
| Kuchlar | |||||||
| 70 nafar | karvondagi 100 savdogar | ||||||
| Yoʻqotishlar | |||||||
| 0 | 0 | ||||||
Al-Abvo gʻazoti (arabcha: غزوة الأبواء) yoki Vaddan (arabcha: غزوة وَدَّان)[1] hijriy 2-yilning Rajab oyi 12-kunida[1] yoki oʻsha yilning Safar oyida yuz bergan[2]. Muhammad paygʻambar 70 kishilik qoʻshin bilan yoʻlga chiqqan, biroq Vaddanga yetib kelganida Quraysh u yerda yoʻq edi. Vaddanda Banu Zamra qabilasi Muhammad paygʻambar bilan uchrashgan va ular oʻzaro hamkorlik hamda xavfsizlik toʻgʻrisida sulh tuzgan[1][2]. Yurish davomida hech qanday jang boʻlmagan[1][2][3].
Voqealar
Muhammad paygʻambar va uning izdoshlari 622-yilda Madinaga hijrat qilganidan soʻng musulmonlar Shomdan Makkaga qatnaydigan bir necha Quraysh karvoniga hujum qilgan. Vaddonga qilingan yurish paytida musulmonlar Qurayshning karvonlaridan birini qidirgan, biroq karvonga duch kelmagan. Yurish chogʻida ular oʻsha hududda Banu Kinona qabilasiga mansub Banu Zamra urugʻidan bir guruh kishilarni uchratgan va ikki tomon oʻrtasida muzokaralar boshlangan. Natijada musulmonlar bilan Banu Zamra oʻrtasida doʻstlik ahdi tuzilgan[3].
Musulmon olimi Muhammad az-Zurqoniyning yozishicha, ahdnoma matni quyidagicha boʻlgan:
"Bu Allohning Rasuli Muhammadning nomidan Banu Zamra haqidagi bitikdir. (Muhammad) ularning mollari va jonlari omon hamda daxlsiz boʻlishini kafolatlaydi. Toki ular Allohning diniga qarshi chiqmas ekan, musulmonlardan yordam kutishlari mumkin. Paygʻambar ulardan yordam soʻrasa, ular ham bunga ijobiy javob berishlari lozim".[2]
Ahdnomaga koʻra, ikki tomon bir-biriga hujum qilishi, bir-biriga qarshi ittifoqlarga qoʻshilishi yoki bir-birining dushmanlarini qoʻllab-quvvatlashi taqiqlangan.
Yana qarang
Manbalar
- ↑ 1,0 1,1 1,2 1,3 Afzalur Rahman (1993), Muhammad As a Military Leader, Kazi Publications, 119-bet, ISBN 9781567441468
- ↑ 2,0 2,1 2,2 2,3 Safiurahman Al-Mubaraki (1996), The Sealed Nectar, Dar-us-Salam, 203-bet, ISBN 9781484974858
- ↑ 3,0 3,1 Muhammad Husayn Haykal (May 1994), The Life of Muhammad, Islamic Book Trust, 195, 217-bet, ISBN 978-983-9154-17-7
| Oldingisi | Muhammadning ekspeditsiyalari | Keyingisi |