Abu Ali Sagʻoniy
Abu Ali Sagʻoniy (Chagʻoniy) (? −955) — Sagʻoniyon (Chagʻoniyon) hukmdori. 939-yildan somoniylarning Xurosondagi noibi. 945-yil noiblikdan boʻshatilgani uchun amir Nuhga qarshi qoʻzgʻolon koʻtarib, yangi noib Ibrohim ibn Simjoʻrni Xurosondan quvib chiqargan. Amir 948-yil dekabrda sulh tuzib, uni qayta noiblikka tayinlagan boʻlsa-da, koʻp oʻtmay bu qarorini bekor qilgan. Shunda Abu Ali Sagʻoniy buvayhiylar yordamida amirga qarshi qoʻzgolon koʻtargan, ammo Abdulmalik ibn Nuh davri (954-961)da Xurosonni tashlab ketishga majbur boʻlgan[1].
Manbalar
- ↑ Fayl:National Encyclopedia of Uzbekistan logo.png „Abu Ali Sagʻoniy“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |