Template:Хушсифат мақола
Филиппин 1924-йил 4-майдан 27-июлгача Франсиянинг Париж шаҳрида бўлиб ўтган Ёзги Олимпиада ўйинларида иштирок этган. Бу мамлакатнинг Ёзги Олимпиада ўйинларидаги дебют иштироки бўлган. Филиппин, шунингдек, бутун Жануби-Шарқий Осиё давлатлари орасида Ёзги Олимпиадада иштирок этган илк мамлакат ҳисобланади. Делегация таркибида спринтер Давид Непомуcено ҳамда икки нафар расмий шахслар атташе Б. Минелле ҳамда мураббий ва ижрочи офицер Регино Йланан бор эди. Яна икки нафар спортчи Фортунато Cаталон ва Жуан Тадуран ҳам ўйинларда иштирок этиши керак эди, улардан Cаталон Парижга етиб келган бўлса-да, мусобақада қатнашмаган, Тадуран эса елка суягини синдириб олганлиги сабабли мусобақада иштирок эта олмаган. Бироқ шунга қарамай, Тадуран делегация таркибида Филиппин вакили сифатида ўйинларга ташриф буюрган. (Давоми...)